- నిబంధనలు అతిక్రమిస్తే కఠిన చర్యలు తప్పవు: ఎస్సై వినోద్ కుమార్
- భారీ వాహనాలు, ద్విచక్ర వాహనాలపై పోలీసుల నిఘా
తిరుపతి జిల్లా ఎస్పీ ఆదేశాల మేరకు చిట్వేలు మండల కేంద్రంలోని పోలీస్ స్టేషన్ ఎదుట ఆదివారం సాయంత్రం పోలీసులు ముమ్మరంగా వాహన తనిఖీలు చేపట్టారు. ఎస్సై ఎస్. వినోద్ కుమార్, ఏఎస్ఐ యంగయ్య తమ సిబ్బందితో కలిసి లైసెన్స్, హెల్మెట్ లేని వాహనదారులను తనిఖీ చేశారు.
-నిబంధనలు అతిక్రమిస్తే వాహనాల సీజ్
తనిఖీల్లో భాగంగా కట్టెలు, స్లిప్పర్లు, టర్బోలతో వెళ్తున్న భారీ వాహనాలతో పాటు ద్విచక్ర వాహనాలను క్షుణ్ణంగా పరిశీలించారు. సరైన పత్రాలు లైసెన్స్ లేని వాహనాలను సీజ్ చేస్తున్నట్లు ఎస్సై వెల్లడించారు. గతంలో జరిమానాలు ఉండి, నిబంధనలు పాటించని వాహనాలపై డబుల్ ఎంట్రీ ఫైన్లు విధిస్తూ, కొన్ని వాహనాలను స్టేషన్కు తరలించారు.
-డ్రంక్ అండ్ డ్రైవ్పై ఉక్కుపాదం
మద్యం సేవించి వాహనాలు నడిపే వారిని గుర్తించేందుకు బ్రీత్ అనలైజర్ ద్వారా పరీక్షలు నిర్వహించారు. డ్రంక్ అండ్ డ్రైవ్లో పట్టుబడితే వాహనాలు సీజ్ చేయడమే కాకుండా, కఠిన శిక్షలు తప్పవని ఎస్సై హెచ్చరించారు. కేవలం జరిమానా కడితే సరిపోతుందనే నిర్లక్ష్య వైఖరి వీడాలని, ప్రతి ఒక్కరూ క్షేమంగా గమ్యస్థానాలకు చేరుకోవాలంటే ట్రాఫిక్ నిబంధనలు పాటించాలని ఆయన హితవు పలికారు.
-నిత్యం తనిఖీలు కొనసాగుతాయి
ఎస్పీ ఆదేశాల మేరకు మండలంలో ప్రతిరోజూ వాహనాల తనిఖీలు నిర్వహిస్తామని, నిబంధనలు అతిక్రమించే వారిపై కఠిన చర్యలు తీసుకుంటామని ఎస్సై వినోద్ కుమార్ స్పష్టం చేశారు. ఈ కార్యక్రమంలో పోలీస్ సిబ్బంది పాల్గొని నిఘా ముమ్మరం చేశారు.
