• ముఖ్య అతిథిగా హాజరుకానున్న రాష్ట్ర ఖాదీ బోర్డు చైర్మన్ కే.కే. చౌదరి
• ప్రజా సమస్యల పరిష్కారమే లక్ష్యం.. అధికారులతో కలిసి సమీక్ష

చిట్వేలు, జనవరి 07 ఎల్లో సింగం ప్రతినిధి

చిట్వేలి మండల కేంద్రంలోని ఎంపీడీవో కార్యాలయ సభా భవనంలో గురువారం (జనవరి 8న) మండల సర్వసభ్య సమావేశం జరగనుంది. ఈ సమావేశానికి ఆంధ్రప్రదేశ్ రాష్ట్ర ఖాదీ మరియు గ్రామీణ పరిశ్రమల బోర్డు చైర్మన్ కే.కే. చౌదరి ముఖ్య అతిథిగా హాజరుకానున్నారు.

-సమగ్ర అభివృద్ధిపై సమీక్ష

ఉదయం 10:00 గంటలకు ప్రారంభం కానున్న ఈ సమావేశంలో మండలంలోని వివిధ శాఖల పనితీరు, అభివృద్ధి పనుల పురోగతిపై ప్రజాప్రతినిధులు, అధికారులతో కలిసి చైర్మన్ సమీక్షించనున్నారు. ముఖ్యంగా సాగునీరు, తాగునీరు, రోడ్లు మరియు ప్రభుత్వ సంక్షేమ పథకాల అమలుపై చర్చించనున్నారు.

-ప్రజలతో నేరుగా ముఖాముఖి

సమావేశం అనంతరం కే.కే. చౌదరి గారు కూటమి నాయకులు, కార్యకర్తలు మరియు స్థానిక ప్రజలతో సమావేశం కానున్నారు. ప్రజల నుండి అర్జీలు స్వీకరించి, వారి సమస్యలను నేరుగా తెలుసుకోనున్నారు. అక్కడికక్కడే సంబంధిత అధికారులతో మాట్లాడి, బాధితులకు సత్వర న్యాయం జరిగేలా చర్యలు తీసుకోనున్నారు. ప్రజా సమస్యల పరిష్కారానికి పెద్దపీట వేయాలన్న ప్రభుత్వ సంకల్పంలో భాగంగా ఈ పర్యటన సాగనుంది. ఈ కార్యక్రమంలో మండల స్థాయి అధికారులు, ఎంపీటీసీలు, సర్పంచులు మరియు కూటమి ముఖ్య నేతలు పాల్గొననున్నారు.