2026 సంవత్సరానికి గానూ కేంద్ర ప్రభుత్వం పద్మ అవార్డులను ఆదివారం ప్రకటించింది. రిపబ్లిక్‌ డేకు ముందురోజే పురస్కారాల జాబితాను విడుదల చేసింది. ఈ నేపథ్యంలో తెలుగు రాష్ట్రాల నుంచి పలువురు ప్రతిభావంతులు పద్మ అవార్డులకు ఎంపికయ్యారు.

ఈ ఏడాది మొత్తం 45 మందికి పద్మశ్రీ పురస్కారాలు దక్కగా, తెలంగాణకు చెందిన డాక్టర్‌ కుమారస్వామి తంగరాజ్‌, రామారెడ్డి మామిడి ఈ గౌరవాన్ని అందుకున్నారు. సీసీఎంబీ శాస్త్రవేత్త అయిన డాక్టర్‌ తంగరాజ్‌ మానవ పరిణామ క్రమం, జన్యు వ్యాధులపై మూడు దశాబ్దాలుగా పరిశోధనలు చేస్తూ అంతర్జాతీయ గుర్తింపు పొందారు. పశుసంవర్థక, పాడి పరిశ్రమ అభివృద్ధికి చేసిన సేవలకు గానూ రామారెడ్డికి పద్మశ్రీ వరించింది.