​రాజంపేట జనవరి 19, (ఎల్లో సింగం ప్రతినిధి)

వైఎస్సార్ కాంగ్రెస్ పార్టీ అధినేత జగన్ మోహన్ రెడ్డి తీరుపై తెలుగుదేశం పార్టీ రాష్ట్ర అధికార ప్రతినిధి మేడా విజయ శేఖర్ రెడ్డి తీవ్రస్థాయిలో ధ్వజమెత్తారు. గత ఐదేళ్ల పాలనలో రాష్ట్రాన్ని అధోగతి పాలు చేసి, ఇప్పుడు కూటమి ప్రభుత్వం చేస్తున్న అభివృద్ధి పనులకు తన రంగులు పూసుకోవాలని చూడటం జగన్ దిగజారుడు రాజకీయాలకు నిదర్శనమని ఆయన విమర్శించారు.
​సోమవారం రాజంపేట టీడీపీ కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడారు.ఈ సందర్భంగా జగన్ రెడ్డిని ఉద్దేశించి చేసిన కీలక వ్యాఖ్యలు ఇక్కడ ఉన్నాయి:
​1. శంకుస్థాపనలు మావి.. ఫోజులు మీవా?
​”చంద్రబాబు నాయుడు గారు ముఖ్యమంత్రిగా ఉన్న సమయంలో విజన్-2029లో భాగంగా ఎన్నో ప్రాజెక్టులకు శ్రీకారం చుట్టారు. ఆ ప్రాజెక్టులు నేడు పూర్తవుతుంటే, ఆ క్రెడిట్ అంతా తనదే అని జగన్ రెడ్డి చెప్పుకోవడం హాస్యాస్పదం. ఒక్క ఇటుక కూడా పెట్టని జగన్, ఇప్పుడు క్రెడిట్ చోరీకి పాల్పడటం సిగ్గుచేటు.”
​2. విధ్వంసానికి బ్రాండ్ అంబాసిడర్ జగన్
​గత ఐదేళ్లలో జగన్ ప్రభుత్వం చేసిన ఏకైక పని ‘విధ్వంసం’ అని మేడా విజయ శేఖర్ రెడ్డి విమర్శించారు. రాజధాని అమరావతిని స్మశానంగా మార్చారని, పోలవరం ప్రాజెక్టును రివర్స్ టెండరింగ్ పేరుతో గోదావరిలో కలిపారని మండిపడ్డారు. ఇప్పుడు చంద్రబాబు గారు మళ్ళీ వాటిని గాడిలో పెడుతుంటే ఓర్వలేక అసత్య ప్రచారాలు చేస్తున్నారని ఆగ్రహం వ్యక్తం చేశారు.
​3. ప్రచార పిచ్చి పతాక స్థాయికి..
​”జగన్ రెడ్డికి ఉన్నది ప్రజా సంక్షేమంపై ప్రేమ కాదు, పబ్లిసిటీపై ఉన్న వ్యామోహం. రాష్ట్రంలో ఏ మంచి పని జరిగినా దానికి తన ఫోటో తగిలించుకోవడం ఆయనకు అలవాటుగా మారింది. ప్రజలు అన్నీ గమనిస్తున్నారు కాబట్టే గత ఎన్నికల్లో తగిన బుద్ధి చెప్పారు. అయినా సరే జగన్‌లో మార్పు రాకపోవడం విచారకరం.”
​4. శ్వేతపత్రం విడుదల చేయగలరా?
​తన హయాంలో ఏయే ప్రాజెక్టులు పూర్తి చేశారో, ఎన్ని ఉద్యోగాలు ఇచ్చారో శ్వేతపత్రం విడుదల చేసే ధైర్యం జగన్ రెడ్డికి ఉందా అని మేడా సవాల్ విసిరారు. అప్పుల ఆంధ్రప్రదేశ్‌గా మార్చిన ఘనత తప్ప జగన్ ఖాతాలో ఒక్కటంటే ఒక్క విజయవంతమైన ప్రాజెక్టు లేదని ఎద్దేవా చేశారు.
​”క్రెడిట్ చోరీ చేయడంలో జగన్ రెడ్డి నోబెల్ బహుమతికి అర్హుడు. అబద్ధాలను నిజం చేయాలని చూసే మీ ఆటలు ఇక సాగవు అని. మేడా విజయ శేఖర్ రెడ్డి తెలిపారు.
రాష్ట్ర ప్రజలు ఇప్పటికే వైసీపీ అరాచక పాలనను విస్మరించారని, ఇప్పుడు కూటమి ప్రభుత్వ నేతృత్వంలో ఆంధ్రప్రదేశ్ అభివృద్ధి పథంలో దూసుకుపోతోందని మేడా విజయ శేఖర్ రెడ్డి స్పష్టం చేశారు. జగన్ రెడ్డి ఇప్పటికైనా తన బుకాయింపులు మానుకోవాలని ఆయన హెచ్చరించారు.