• విద్యుత్ తీగలు, ట్రాన్స్‌ఫార్మర్లకు దూరంగా ఉండాలి
• ‘చైనీస్ మాంజా’ మృత్యుపాశం.. కేవలం కాటన్ దారాన్నే వాడండి
• చిన్నపిల్లలు, తల్లిదండ్రులకు బహిరంగ విజ్ఞప్తి

చిట్వేలు, జనవరి 11: ఎల్లో సింగం ప్రతినిధి

సంక్రాంతి పండుగ వేళ గాలిపటాలు ఎగరవేస్తూ ఆనందంగా గడిపే సమయంలో ఏమరపాటుగా ఉంటే ప్రాణాలకే ప్రమాదమని సంఘ సేవకుడు గాడి ఇంతియాజ్ అహ్మద్ హెచ్చరించారు. గాలిపటాలు ఎగరవేసే క్రమంలో విద్యుత్ ప్రమాదాలు జరగకుండా చిన్నారులు, తల్లిదండ్రులు తగిన జాగ్రత్తలు తీసుకోవాలని ఆయన విజ్ఞప్తి చేశారు.

-చైనీస్ మాంజా – గాలిలో వేలాడే అదృశ్య కత్తి

ఈ సందర్భంగా ఇంతియాజ్ అహ్మద్ మాట్లాడుతూ.. మార్కెట్లో లభించే లోహపూరితమైన చైనీస్ మాంజా (నైలాన్/ప్లాస్టిక్ దారాలు) వాడకం అత్యంత ప్రమాదకరమని తెలిపారు.
విద్యుదాఘాతం ఈ దారాలు విద్యుత్తును సులభంగా ప్రసరింపజేస్తాయి. ఇవి పొరపాటున విద్యుత్ తీగలకు తగిలితే ఎగరవేసే వారికే కాకుండా చుట్టుపక్కల వారికి కూడా షాక్ తగిలే ప్రమాదం ఉంది.ప్రాణాపాయం ద్విచక్ర వాహనాలపై వెళ్లే ప్రయాణికులకు, పక్షులకు ఈ దారం తగిలితే గొంతు తెగి ప్రాణాలు కోల్పోయే అవకాశం ఉంది. అందుకే వీటిని అదృశ్య కత్తులుగా పరిగణించాలని ఆయన పేర్కొన్నారు.

-తల్లిదండ్రులకు కీలక సూచనలు:

సురక్షిత ప్రాంతాలు విద్యుత్ తీగలు, ట్రాన్స్‌ఫార్మర్లు, సబ్ స్టేషన్లు లేని బహిరంగ ప్రదేశాలలో మాత్రమే గాలిపటాలు ఎగరవేయాలి.కాటన్ దారం చైనీస్ మాంజాకు బదులుగా కేవలం సురక్షితమైన కాటన్ దారాన్ని మాత్రమే వాడాలి.
ప్రమాదం జరిగితే పొరపాటున గాలిపటం విద్యుత్ తీగల్లో చిక్కుకుంటే కర్రలతో లేదా ఇనుప రాడ్లతో తీసే ప్రయత్నం చేయవద్దు. వెంటనే విద్యుత్ శాఖ అధికారులకు లేదా టోల్ ఫ్రీ నెంబర్ 1912 కు సమాచారం అందించాలి.

-సంతోషంగా పండుగ జరుపుకోండి

భద్రతకు మొదటి ప్రాధాన్యతనిస్తూ, నిబంధనలు పాటించడం ద్వారా మన కుటుంబాన్ని మరియు సమాజాన్ని ప్రమాదాల నుండి కాపాడుకోవచ్చని ఇంతియాజ్ అహ్మద్ తెలిపారు. ప్రతి ఒక్కరూ అప్రమత్తంగా ఉండి సంక్రాంతి పండుగను సురక్షితంగా, సంతోషంగా జరుపుకోవాలని కోరుతూ అందరికీ ముందస్తు పండుగ శుభాకాంక్షలు తెలియజేశారు.