గద్దర్ అభిమానుల సంఘం, ఎస్సీ-ఎస్టీ-బీసీ ముస్లిం ఫ్రంట్ మరియు జజ్జనక కళా మండలి సహా అనేక మాదిగ సంఘాలు రాష్ట్రంలో రాజకీయ సీట్ల కేటాయింపు విధానంపై ఆందోళన వ్యక్తం చేశారు. ఆల్వాల్ సర్కిల్ జీహెచ్ఎంసి రెండు డివిజన్లలో – మచ్చబొల్లారం మరియు వెంకటపురం – గత మూడు ఎన్నికల్లో మాల జాతికి సీట్లు కేటాయించబడి, మాదిగలకె దాదాపు అవకాశాలు లభించకపోవడం అన్యాయం అని సంఘాలు పేర్కొన్నారు. ఈ విధానం తరతరాలుగా మాదిగ జాతిని రాజకీయంగా వెలుగు చూడకుండా, అధికారం దగ్గరికి రాకుండా నిరోధిస్తుందని సంఘాలు హెచ్చరిస్తున్నాయి. సంఘాలు అన్ని రాజకీయ పార్టీలు మాదిగల కోసం తగిన సీట్లను కేటాయించాలి, లాబీలు, ప్రలోభాలపై ప్రభావితం కాకుండా న్యాయమైన నిర్ణయాలు తీసుకోవాలి అని డిమాండ్ చేస్తున్నాయి. మాదిగల ఐక్యతను చూపుతూ, 3 కార్పొరేషన్ లలో మాదిగలకు సీట్లు ఇవ్వకుంటే రాష్ట్రవ్యాప్తంగా ప్రత్యక్ష రాజకీయ పోరాటానికి సిద్ధమని హెచ్చరించారు.