భారత్‌లో డిజిటల్‌ విప్లవాత్మక మార్పులను ఫ్రాన్స్‌ అధ్యక్షుడు ఎమ్యాన్యుయెల్‌ మెక్రాన్‌ ప్రశంసించారు. గతంలో దేశంలో బ్యాంక్‌ ఖాతా తెరవడం పెద్ద సమస్యగా ఉండేది, కానీ ఇప్పుడు ఫోన్‌లోనే ఖాతా సౌకర్యంగా తెరవగలిగే విధంగా మారిందని ఆయన పేర్కొన్నారు. 140 కోట్ల మంది భారతీయులకు డిజిటల్‌ ఐడెంటిటీ అందించినందున, ఆవిష్కరణల ద్వారా సామాజిక, ఆర్థిక భాగస్వామ్యాన్ని బలోపేతం చేస్తున్నామని మెక్రాన్‌ అన్నారు. ప్రతి నెలా 20 బిలియన్ల వరకు డిజిటల్‌ లావాదేవీలు జరుగుతున్నాయి, అలాగే 500 మిలియన్లకు డిజిటల్‌ హెల్త్‌ ఐడీలు ఇచ్చి ఆరోగ్య వ్యవస్థను డిజిటలైజ్‌ చేశామని పేర్కొన్నారు. డిజిటల్‌ సౌలభ్యాలు, ఆవిష్కరణలు అందరికీ చేరుకోవాలని, పథంలో భాగస్వామ్యమై కలిసి ముందుకు సాగాలని ఆయన ఆహ్వానించారు. భారత-ఫ్రాన్స్‌ భాగస్వామ్యం ఈ విప్లవాత్మక మార్పులకు దోహదమవుతుందని మెక్రాన్‌ తెలిపారు.