తెలుగు రాష్ట్రాల మధ్య నదీ జలాల వివాదాలపై కేంద్ర జలశక్తిశాఖ ఏర్పాటు చేసిన కమిటీ కేంద్ర జలసంఘం కార్యాలయంలో సమావేశమైంది. ఈ నెల 2న నీటి వివాదాల పరిష్కారానికి కమిటీని కేంద్రం ఏర్పాటు చేసిన సంగతి తెలిసిందే. జలసంఘం ఛైర్మన్‌ అధ్యక్షతన జరిగిన ఈ సమావేశానికి సీడబ్ల్యూసీ అధికారులు, కేఆర్‌ఎంబీ, జీఆర్‌ఎంబీ, ఎన్‌డబ్ల్యూడీఏ ఛైర్మన్లు, కేంద్ర జలసంఘం చీఫ్‌ ఇంజినీర్‌తో పాటు తెలుగు రాష్ట్రాల అధికారులు హాజరయ్యారు. నీటి పంపకాలతో పాటు వివిధ సమస్యలు, వివాదాలపై అధికారులు తొలిసారిగా సమీక్ష సమావేశం నిర్వహించారు.