పార్వతీపురం నియోజకవర్గం బలిజిపేట మండలం అంపావళి గ్రామంలో చోటుచేసుకున్న క్లోరిన్ గ్యాస్ లీక్ ఘటనపై ఎమ్మెల్యే బోనెల విజయ్ చంద్ర వెంటనే స్పందించారు. ఈ ప్రమాదం కారణంగా ఏదుగురు వ్యక్తులు అస్వస్థతకు గురై ఆసుపత్రిలో చికిత్స పొందుతున్నట్లు సమాచారం. ఎమ్మెల్యే విజయ్ చంద్ర విజయవాడ నుండి ఫోన్ ద్వారా స్థానిక టీడీపీ నాయకులతో మాట్లాడి పరిస్థితిని పరిశీలించారు. బాధితుల ఆరోగ్యం, తక్షణ అవసరాలు తెలుసుకుని, వారిని మరియు వారి కుటుంబ సభ్యులను పరామర్శించాలని నాయకులకు సూచించారు. గ్యాస్ బాధితులకు అత్యుత్తమ వైద్యం అందేలా ఆసుపత్రి వైద్యులతో కూడా ప్రత్యక్షంగా సమన్వయం చేశారు. తద్వారా ప్రభుత్వం ద్వారా అవసరమైన సహాయం అందించబడేలా చర్యలు తీసుకోవాలని, భవిష్యత్తులో ఇలాంటి ప్రమాదాలు పునరావృతం కాకుండా తగిన జాగ్రత్తలు తీసుకోవాలని ఎమ్మెల్యే విజయ్ చంద్ర ప్రకటించారు. ఈ చర్యలు స్థానిక ప్రజల విశ్వాసానికి దోహదపడినట్లు సమాచారం.
