విజయ క్రాంతి జూనియర్ కాలేజీ, చల్లపల్లిలో శనివారం ఉదయం భక్తిశ్రద్ధలతో సరస్వతి హోమం మరియు ప్రత్యేక పూజా కార్యక్రమాలు నిర్వహించారు. రాబోయే పబ్లిక్ పరీక్షల్లో కాలేజీలో చదువుతున్న విద్యార్థులందరూ ఉత్తీర్ణత సాధించి, ఆరోగ్యవంతంగా మరియు సంతోషంగా ఉండాలని కోరుకుంటూ ఈ కార్యక్రమాన్ని నిర్వహించడం విశేషం.
కళాశాల ప్రిన్సిపాల్ దుట్టా శివరామ ప్రసాద్ ఆధ్వర్యంలో పూజా కార్యక్రమాలు ఘనంగా జరిగాయి. విద్యార్థులు మరియు లెక్చరర్స్తో పాటు దుట్టా ఉమామహేశ్వరరావు దంపతులు కూడా హోమంలో పాల్గొని ప్రత్యేక పూజలు నిర్వహించారు. విద్యార్థులు స్వయంగా సరస్వతి పూజలో పాల్గొని తమ పరీక్షల్లో విజయాన్ని సాధించాలని ప్రార్థించారు.
ఈ కార్యక్రమంలో చల్లపల్లి ఎంపీపీ కోట విజయ రాధిక, ఏఎంసీ చైర్మన్ తోట కనకదుర్గ, పంచాయతీ ఉపసర్పంచ్ మమ్మనేని రాజకుమార్ తదితరులు పాల్గొన్నారు.
ప్రతి సంవత్సరం పబ్లిక్ పరీక్షలకు ముందుగా సరస్వతి హోమం నిర్వహించడం ద్వారా విద్యార్థులకు ఆత్మవిశ్వాసం పెంపొందించడం, వారు మంచి ఫలితాలు సాధించాలని ఆకాంక్షించడం ఈ కాలేజీ ప్రత్యేకతగా నిలుస్తోంది.
