ఉత్తర్‌ప్రదేశ్‌లోని ప్రయాగ్‌రాజ్‌లో శిక్షణ విమానం ప్రమాదానికి గురైంది. గాల్లో ఉండగానే నియంత్రణ కోల్పోయిన విమానం నగర శివారులోని ఓ కళాశాల వెనుక ఉన్న చెరువులో కూలిపోయింది. ప్రమాద సమయంలో భారీ శబ్దం వినిపించిందని స్థానికులు తెలిపారు. సమాచారం అందుకున్న పోలీసులు, రెస్క్యూ బృందాలు ఘటనాస్థలికి చేరుకుని సహాయక చర్యలు ప్రారంభించారు. విమానంలో ఎంత మంది ఉన్నారనే వివరాలు ఇంకా తెలియరాలేదు.