శ్రీకాకుళం జిల్లా పాతపట్నం నియోజకవర్గ కేంద్రంలోని మేజర్ పంచాయతీ పరిధిలో ఆల్ ఆంధ్ర రోడ్డులో నిర్మించిన నూతన దేవాలయాల్లో శ్రీ లక్ష్మీ గణపతి, జ్ఞాన సరస్వతి దేవి, శ్రీ అభయాంజనేయ స్వామి ప్రతిష్ట మహోత్సవం ఘనంగా జరిగింది. ఈ కార్యక్రమానికి ముఖ్య అతిథిగా పాతపట్నం శాసనసభ్యులు మామిడి గోవిందరావు హాజరయ్యారు. స్వామివారిని దర్శించుకున్న ఆయన ప్రత్యేక పూజలు నిర్వహించి, ధ్వజస్తంభం మరియు బలిపీఠ ప్రతిష్ట కార్యక్రమాల్లో పాల్గొన్నారు. గ్రామ ప్రజల ఆధ్యాత్మికాభివృద్ధి దృష్ట్యా ఈ దేవాలయం భక్తులకు శాశ్వత ఆధ్యాత్మిక క్షేత్రంగా నిలవాలని ఆకాంక్షించారు. ఆలయ అభివృద్ధి మరియు నిత్యపూజ కార్యక్రమాల నిర్వహణకు తన వంతు సహకారంగా రూ.2,00,000 విరాళాన్ని ప్రకటించి అందజేశారు. ఎమ్మెల్యే విరాళాన్ని గ్రామ పెద్దలు మరియు దేవాలయ కమిటీ సభ్యులు హర్షధ్వానాలతో స్వాగతించి కృతజ్ఞతలు తెలిపారు. ప్రజల ఆధ్యాత్మిక, సామాజిక అభివృద్ధికి తాను ఎల్లప్పుడూ కట్టుబడి ఉంటానని ఎమ్మెల్యే పేర్కొన్నారు. కార్యక్రమంలో స్థానిక నాయకులు, ఆలయ కమిటీ సభ్యులు, భక్తులు మరియు గ్రామ ప్రజలు పాల్గొన్నారు.